काका विरुद्ध पुतण्या: बारामतीत होणार ऐतिहासिक राजकीय सामना : अजित पवारांना सत्ता टिकवता येईल का…???
महाराष्ट्र विधानसभा निवडणुकीमध्ये बारामती विधानसभा मतदारसंघाकडे संपूर्ण देशाचे लक्ष लागले आहे. २०२३ मध्ये अजित पवार यांनी शरद पवार यांच्याशी फारकत घेतल्यानंतर विरोधी पक्ष नेते म्हणून महायुती सरकारमध्ये सामील होण्याचा निर्णय घेतला, ज्यामुळे राष्ट्रवादी काँग्रेस पक्षात फूट पडली. या फुटीनंतर अजित पवारांना पक्षाचे चिन्ह आणि नाव मिळाले. त्यानंतर अजित पवार राष्ट्रीय अध्यक्षपदावरही निवडले गेले. आता एक वर्ष उलटून गेल्यानंतर अनेक महत्त्वाच्या घटनांचा सामना झाला आहे, आणि या निवडणुकीत बारामती मतदारसंघात काका विरुद्ध पुतण्या अशी थेट लढत पाहायला मिळेल.
पवार घराण्याची परंपरा टिकवताना: बारामतीत अजित पवारांचा विजय निश्चित?
बारामती विधानसभा मतदारसंघात यंदाच्या निवडणुकीत काका विरुद्ध पुतण्या अशी थेट लढत पाहायला मिळणार आहे. पक्ष फुटीच्या पार्श्वभूमीवर लोकसभा निवडणुकीत सुनेत्राताई पवार आणि सुप्रियाताई सुळे यांच्यात झालेल्या थेट सामन्यात घरातच विजय झाला होता; या लढतीत सुप्रियाताईंचा विजय झाला, त्यामुळे पद घरातच राहिले. यंदा, अजित पवार यांच्यासमोर त्यांच्या पुतण्याने आव्हान दिले आहे, तरीही पवार घराण्यातील कुणीही विजय मिळवला तरी आमदार पदावर दुसरा कोणताही व्यक्ती बसणार नाही, याची खबरदारी मोठे साहेब आणि दादा दोघांनीही घेतलेली दिसते.
भाजप या मतदारसंघावर आधीपासून लक्ष ठेवून आहे. पंतप्रधान नरेंद्र मोदी आणि केंद्रीय गृहमंत्री अमित शाह देखील पवार साहेबांच्या विरोधात भाजपचा उमेदवार निवडून आणण्यासाठी प्रयत्नशील आहेत. पक्षामध्ये फूट पडली असली तरी विरोधकांची अपेक्षा आहे की या निवडणुकीत काहीतरी वेगळे घडेल. परंतु, बारामतीतील पवारांचे राजकारण लवकर समजत नाही, हे लक्षात घेता, त्यांचे पुनरागमन अनपेक्षित ठरू शकते.
काका विरुद्ध पुतण्या: बारामतीतील निवडणुकीत एक नवा वळण
काका विरुद्ध पुतण्या हा संघर्ष महाराष्ट्रात नवीन असला तरी, या निवडणुकीत एक महत्त्वाचा फरक आहे. आतापर्यंत पुतण्याच्या फोडीचे आरोप करण्याचे काम शरद पवार यांच्या विरोधात झाले, परंतु या निवडणुकीत त्यांच्या पुतण्यानेच त्यांना आव्हान दिले आहे. राष्ट्रवादी काँग्रेस पक्षासाठी काका आणि पुतण्यांमधील हा संघर्ष नवीन नाही, कारण पुतण्याच्या रुसण्यानंतर काकांनी पुतण्याचे प्रत्येक हट्ट पुरवले असल्याचे संपूर्ण महाराष्ट्राने पाहिले आहे. तथापि, या निवडणुकीत अजित पवार यांच्यासमोर त्यांच्याच पुतण्याचे कडवे आव्हान उभे राहिले आहे, ज्यामुळे बारामतीच्या मतदारसंघात एक दिलचस्प सामना पाहायला मिळणार आहे.
बारामतीत अजित पवार यांना निवडणुकीत आव्हान
बारामती विधानसभेचे १९९५ पासून प्रतिनिधित्व करणारे अजित पवार यांना या निवडणुकीत कठीण आव्हानांचा सामना करावा लागणार आहे. पूर्वी, त्यांनी संपूर्ण महाराष्ट्रातील प्रचारात भाग घेतला, मात्र बारामतीत फक्त अंतिम सभेस उपस्थित राहून निवडून येण्याची पद्धत होती. यंदा, पवार कुटुंबातील सदस्य त्यांच्या विरोधात नवनवीन रणनीती राबवताना दिसत आहेत, ज्यामुळे स्थिती बदलली आहे. अजित पवार देखील बारामतीत ठाण मांडून प्रचार करत आहेत, आणि त्यांच्या दोन्ही सुपुत्रांनी व सुनेत्राई पवार यांनीही मतदारसंघ पिंजून काढण्यास सुरुवात केली आहे. या सर्वामुळे बारामतीतील निवडणूक अधिक रंगतदार होण्याची शक्यता आहे.
युगेंद्र पवारांसाठी निवडणूक: सोपी का कठीण?
युगेंद्र पवार, अजित पवार यांचे पुतणे, या निवडणुकीत त्यांच्या काकांविरुद्ध प्रचार करताना दिसत आहेत. उमेदवारी जाहीर झाल्यानंतर त्यांनी सक्रियपणे उमेदवारी अर्ज भरण्यासाठी शक्तिप्रदर्शन केले, परंतु त्यांच्या मराठी वाचनावर विरोधकांनी टीका केली. युगेंद्र पवार यांचा पूर्वीच्या निवडणुकांमध्ये प्रत्यक्ष सहभाग न झाल्याचा मुद्दा देखील चर्चेत आहे. याशिवाय, त्यांच्या आजोबांनी, मा. खा. शरद पवार यांनी देखील या निवडणुकीत सक्रिय भूमिका घेतली आहे, ज्यात ते बारामती विधानसभा मतदारसंघामधील विरोधकांच्या भेटी घेऊन त्यांच्या तब्येतीची विचारपूस करत आहेत. त्यामुळे युगेंद्र पवारांसाठी ही निवडणूक किती सोपी किंवा कठीण ठरेल, हे पाहणे महत्त्वाचे ठरते.
अर्थात –
बारामतीतील नेत्यांची राजकारणातील एक विशेष ओळख आहे, आणि येथील जनता देखील कोणाला नाराज करण्याची चुकत नाही. लोकसभेच्या निवडणुकीत प्रथेप्रमाणे सुप्रिया सुळे यांना मत दिल्यानंतर आता विधानसभेत अजित दादांना निवडून दिल्यास आश्चर्य वाटायला नको. बारामतीचा राजकीय इतिहास आणि पवार कुटुंबाची प्रतिष्ठा या निवडणुकीत महत्वाची भूमिका बजावणार आहे.
